venerdì 24 febbraio 2017

SUSI DI DDOCU CA M'ASSETTU JU Cervantes (Agatino Perrotta)

video

SUSI DI DDOCU CA M'ASSETTU JU di Cervantes (Agatino Perrotta) voce  Armando Carruba.

SUSI DI DDOCU CA M'ASSETTU JU

Pri mezzu di l'amici e canuscenti
spissu li latri stissi su arrubbati,
architetti, dutturi ed avvucati
s'arrobbunu tra d'iddi li clienti

E tanti voti li stissi parenti
o l'amici, di cui nun l'aspittati
vi fanu di sti beddi cumprimenti
e d'accavaddu a pedi vi truvati.

Si haviti un postu bonu su' l'amici
ca cercunu lu modu e la manera
di farivillu perdiri. Si dici:

"Guardati di l'amicu!" ed ju ci criu,
pirchì havi scrittu 'ntra la so' bannera:
"Susi di ddocu ca m'assettu ju!"

Cervantes (Agatino Perrotta)  

Nessun commento: