LU SCECCU A LA FESTA
Non pari veri; ed iu vi cuntu un fattu
chi successi non ha gran tempu arreri.
Masticava la pagghia
un sceccu, e sintìa fari
rumurati di festa; sparatini,
campanati, trummetti, e tamburini.
Acutu pungigghiuni
si ntisi a li grignuni
d'un certu non socchì. L'arti, l'ingegnu,
tistati, e tuttu oprau
finché da lu tistali
non sbarazzau la testa;
e in carrera partìu, cursi a la Festa.
Tra la fudda, e lu lumi
finalmenti arrivau duvi inalzatu
vitti un gran palcu, e in cui da certa genti
parti masculi veri,
e parti ancora neutri, e non interi,
ccu dulci melodia di sonu, e cantu
pubblica solfa si facìa ad un Santu.
Ed ora tutti insemi, ora divisi
gorgheggianu a riprisi, o fa un fracassu
l'esogafu d'un Bassu,
o in tonu dilicatu
trilla un Eunucu a perdiri lu sciatu.
A sta bella armunia
lu sceccu attenta, e fra li soi surprisi
si ferma, ascuta, e fa l'oricchi tisi.
Senti rapirsi: o sia d'analogia
mossu, o d'emulazioni, o simpatia;
e su musicu anch'iu,
dici; e in chistu diri isa la testa
e sbalanca la vucca, ed altu intona
di sua vuci ccu grazia, e ccu decoru
festevoli un periodo canoru.
E lu trilla, e tasteggia,
e modula, e prolunga, e ci lustira
in tutta la sua corda,
ed in tutta l'immenza
estensioni di la sua cadenza.
Si surprisiru tutti, e ad alta vuci
spingeru lu volé; cui cci rispusi
dicennu zò zò zò, cui cci gridau
crazzicà crazzicà, e cui a la fini
cci mmistìu a virgunati ntra li schini.
Lu stissu abbusca alcunu
pri sua bestialità,
cu si ficca importunu
in cosi chi non c'entra, e non nni sa.
Domenico Tempio
L'ASINO ALLA FESTA
Non senbra vero; vi racconto un fatto che avvenne in un recente tempo fa. Masticava la paglia un buon Somaro e sentiva di festa fare spari; suon di campane, trombe e tamburini, così che un pungiglione portò nel suo testone un certo non so che. Ed arte e ingegno, e tanto oprò finchè non liberò la testa dal testale e di corsa partì, andò alla festa. Scorgendo folla e luci, finalmente arrivò dove innakzato vide un gran palco, in cui da certa gente - in parte maschi veri, in parte ancora neutri e non interi - con dolce melodia di suono e canto, pubblica solfa si faceva a un Santo. Ed ora tutti in coro, ora divisi, gorgheggiano a riprese, e fa fracasso l'esofago di un Basso, o in tono delicato trilla un Eunuco sino a perdere fiato. Alla bella armonia l'Asino attenta e, fra le sue sorprese, si ferma, ascolta e fa l'orecchio teso. Sente rapirsi; o per analogia, o per emulazione e simpatia. "Sono musico anch'io" dice, e in questo dir alza la testa, spalanca la bocca ed alto intona, con sua vocale grazia e con decoro, festevole un periodo canoro. E lo trilla e solfeggia, lo modula e prolunga, e poi lo stira in tutta la sua corda ed in tutta la sua immensa estensione della sua cadenza. Si sorpresero tutti, ed a alta voce gli fecero l'Olé!; e chi risposedicendo zò zò zò, chi gridò Crazzicà Crazzicà e chi - per farla piena - l'investì di vergate sulla schiena.
Lo stesso busca alcuno, per la sua bestialità, che si ficca inopportuno in cose in cui non c'entra e nulla sa.
Nessun commento:
Posta un commento