lunedì 24 luglio 2017

'U SULI TALIAVA di Armando Carruba

'U SULI TALIAVA

'N mari 'i spichi
culuri ill'oru
si muveva chianu 
ammuttatu ddo' ventu
ca ciusciava
'i matinu.
'I stiddi si stutaru
'ntà lu celu
e 'u suli cumparìu
'a marina
carizzannu 'i spichi...
Agghiurnò!
Picciotti, lesti,
mittemu manu
ca lu frumentu
n'aspetta stamatina.
I fauci
mitevunu di cuntinu
accumpagnati
da 'n cantu
pp'accumpagnari
'u travagghiu.
'U suvrastanti
a cavaddu
taliava chistu e chiddu
e cazziava...
Surura e stanchizza
sutta ddu suli cainu
ca dda' 'ntà lu celu
rirennu taliava.
Chi scipita 'a vita!

Armando Carruba 

Nessun commento: