Con le navi, attraccate alla banchina del piazzale dell'ex Stazione Ferroviaria Marittima di Siracusa, insieme ai turisti partivano gli emigranti....
'A PARTENZA DELL'EMIGRANTI
Su partuti arsira l'emigranti
salutannu li parenti stritti,
su partuti ca navi dde' novi
cu lu scuru ppi nun disturbari.
Vannu 'ntà nautru cuntinenti
pirchì 'sta terra nun offri nenti
paroli 'o ventu... disoccupazioni
picca ppi ccu' famigghia teni
Su partuti cu la risata 'n vucca
e 'n gruppu 'ntà la gula sicca
cu la surura 'mpicchiata 'n faccia
su partuti agitannu li vrazza.
L'occhi sempri fissi a la banchina
mentri a navi lesta s'alluntana
fazzuletti svintulianu 'ntò celu
quanti culura! chi arcubalenu!
Su partuti l'emigranti picciriddu!
A ccu saluti si nun c'è cchiù nuddu?
Chi fai chianci? Nun ti prioccupari
all'autru Natali 'u tò papà veni...
Armando Carruba
Nessun commento:
Posta un commento