venerdì 21 febbraio 2014

CUNTU SICILIANU

CCU APPI FOCU CAMPO0 E CCU APPI PANI MURIU

Na vota cc’eranu na pocu di marinara ca navicavanu. Era tempu 'i 'nvernu, e ddò friddu si muria, ca macari li passareddi cadevunu dall'arvuli. Succedi ca si nni vinni un malutempu, e u bastimentu, sbatti ccà, sbatti ddà, pigghiò acqua e iju a funnu. Li marinara comu vosi Diu, natannu natannu, junceru 'n terra. Ddà cc’eranu genti e tutti cuminciaru a daricci aiutu.'Na pocu di 'sti marinara jeru 'nta na casa, e autri 'nta n’autra; chiddi di ddà casa appiru pani, ca avia assai ch’un manciavanu ed eranu morti di fami: l’autri dumannaru na vampicedda pi quadiarisi, ca eranu 'ncazzuluti di friddu. Tant’è ca lu nnumani chiddi ch’avianu manciatu si truvaru tisi tisi morti di friddu, e chiddi chi avianu pinsatu a quadiarisi, eranu vivi comu tutti l’autri. Accussì nni vinni ca Cù appi focu campau e ccu appi pani muriu.

Nessun commento: