'A LIGGENNA 'I SCILLA
Glaucu, facennusi metà onu e metà pisci, dopu ca s'havo manciatu erva 'nt'isula 'ncantata, e addivintatu un diu ddo' mari, persi 'a testa ppi Scilla, figghia di Crateide e figghia di bona matri, ca si nni jeva ppe' spiaggi di Missina unni stava di casa 'nta caletta.
Scilla, 'nnuzintedda, scantata da Glaucu ca circava d'abbagnari 'u pani, scappau dicennuci di NO beddu, chiaru e tunnu.
Glaucu dispiratu, ssi nni jiu 'nta maga Circi e ci cuntu tutti cosi ppi filu e ppi segnu. Ma Circi, bedda chista, si era innamorata di lui medesimo e inveci d'aiutarlo cuminciò a farici a corti. .. ma 'u picciottu fermu nelle sue posizioni, ci dissi NO e poi ancora NO.
Circi avvilita e incazzata, si vosi vindicari 'i Scilla e 'a fici addivintari 'n mostru ca 'nte cianchi aveva attacati corpi e mussa di cani. Scilla addulurata di 'sta trasformazioni, alla prima occasioni chi fici? si sfugau tuttu l'odiu c'aveva ppi Circi livannu a Ulissi i so' cumpagni mentri passava cca so' navi 'u strittu 'i Missina.
Cchiù tardu avissi tiratu 'o funnu macari 'i navi di Enea se prima nun fussi stata trasformata in scogghiu, 'nta 'na rocca ca s'affaccia ancora 'nto' mari.
Stritta 'a fogghia larga 'a via diciti 'a vostra c'haju dittu 'a mia
Nessun commento:
Posta un commento