LI VARBERA poesia dialettale siciliana di Giovanni Cassenti

• Stato
• Foto
• Luogo
• Avvenimento importante

• Pubblica

  PubblicaAmiciSolo ioPersonalizzataAmici più strettiFamiliariVedi tutte le liste...Area di Siracusamontedisonmareme stessoCOMMERCIALE A.RIZZAUniversità degli Studi di TeramoConoscentiTorna indietro

LI VARBERA di Giovanni Cassenti.

Nun è ‘na satira ca vogliu fari
nè un capricciu di carricatura,
su’ sulamenti onesti pinsieri
fatti di notti ‘ntre quattru mura..

Nuddu di ccà, e tutti frusteri,
nti stu paisi c’è quattru varvera
ca ‘ngustiannusi a travagliari
nun ci manca nè pani nè virdura..

Du’ hannu di ccà la muglieri,
l’autru ‘nveci l’havi di fora,
l’urtimu, pi tiempu un’appizzari
va firriannu e iè schiettu ancora..

Veramenti, pari ca ssu mistieri,
nun è mistieri di panni a li mura;
‘ntantu, cu veni appizza li banneri
e rascannu s’abbenta a la vintura..

Lu primu c’arrivà, cu lu sò fari,
è sicuru d’aviri ‘na pirrera,
ca cu li suli abbunati di scurciari
pò fari guerra a qualunqui malura..

Lu secunnu, pi figli nun’aviri
e ‘na cumpagna di ‘ntressu e primura
chiù megghiu s’ha pututu arripizzari
e la sacchetta, si voli, fa iucari..

Lu terzu, cu lu iri e lu viniri,
e pi mittisi cu la cascia e li tammura
ha circatu di trantuliari
e di passari ‘ntre ‘na brutta ura..

Lu quartu ancora nun si pò diri,
si havi furtuna o iettatura,
dipenni di lu tiempu e di l’agìri;
ancora nun è certa la sò vintura..

‘Ntantu picciotti, purtammu dinari,
ca cu varva frisca e pittinatura
li signurini faciti ‘mpazziri
e li varvera si fannu la cura.

Giovanni CASSENTI