- Rusidda, si' un sciuriddu graziusu,
pri tia facissi cosi di 'nfuddiri,
ma hai 'ddu bruttu viziu strudusu
ca ti piaci farimi suffriri!...
Ju parru e tu t'affacci? 'Assalu chiusu,
'ssu barcuneddu!... - No, lu vogghiu apriri!...
- Serviti, sgarbatazza!... - Sí, Scattusu!...
Non mi dicisti ca ti nn'àvi a jri?...
Già!... Mi nni vaju... lassimi passari!
- E cu' ti teni?...! Si ti nni vo' jri!...
- Ti salutu... - Bongiornu... Ma... - Chi fu?
- Nenti mi dici? - Chi ti pozzu diri?
- Prima ca parti non mi vo' vasari?...
- Sì, sciatu beddu!... Ma non partu chiù!
Nino Martoglio
Note. -'Ncagna (musata, broncio, cruccio) - Sciuriddu (fiorellino) - 'Nfuddiri (venir folle, impazzire) -
Strudusu (che fa struggere, dispettoso) - Parru (parlo) - 'Assalu o: làssulu (lascialo)- Jri (andare) -
Barcuneddu (balconcino) - Scattusu (dispettosaccio) - Vasari (baciare) - Sciato (sospiro).
Nessun commento:
Posta un commento