A ME' SICILIA di Gianni Argurio

A me' Sicilia

Passau lu sestu jornu e lu Signuri
criau tuttu lu munnu e li culuri,
ma prima di vuliri ripusari ...
fici a Sicilia 'nmenzu di lu mari!

A me’ Sicilia quantu è bedda e cara
e ricamata di ciuri prufumati;
scinni di munti, scurri l’acqua chiara
e u suli splenni in tutti li cuntrati!

Sicilia, canta u suli e la cascata,
cantunu l’unni e aceddi a li balcuni,
e cantu pure iò, oh! terra amata ...
l’eternu sognu di li to’ canzuni.

(Gianni Argurio)