sabato 4 ottobre 2014

LA CACCIATA


La cacciata era accompagnata da una cantilena "vivace" che il contadino magistralmente interpretava con voce rude, modulando opportunamente le parti iniziali, di centro e quelle finali del verso o della strofa. Spesso erano strofe di invocazione a Dio e ai Santi, ma, soprattutto, era il timbro e la modulazione del canto che avevano una chiara funzione di sprone nei confronti degli animali.

Mitica era un tempo la "cacciata", al tempo della battitura.

[ I ]
Gesù, Giuseppi e Maria,
Sant'Anna, San Jacu, San Jachinu e la Madonna,
e tutti li santi di lu Paradisu
chi m'aiuta e m'accumpagna.

[ II ]
'Nchiana
e 'nchianamula pi davveru,
prima facemu na bedda 'nchianata
e poi facemu na bedda curruta:
'nchiana .... 'nchiana e batti
chi l'aria ti cummatti.

[ III ]
Nunn'è lu 'nchianari di tuttu lu jornu
e mancu lu cacciari di tuttu l'annu!
Quant'è beddu stu Signuri Sacramintatu,
è Diu d'amuri .... abbenta cori .... e abbenta ciatu!

[ IV ]
Evviva Diu sacramintatu
e Maria senza piccatu

[ V ]
Dicemucci un Patri Nostru a Gesù Sacramintatu
chi n'avi a dari 'razia e saluti,
prima di l'anima e poi di lu corpu.
Patri Nostru...

[ VI ]
Stu Patri Nostru è nannu(?) di Mu
'nterra è di Mu
di l'angilu biatu, sia ludatu
a Gesù Sacramintatu
è prisintatu (?)

[ VII ]
Santa Rusalia
ni scanzi di guerri, pesti,
di tirrimoti e malatia
a tutta quanta la cumpagnia

[ VIII ]
Caccia cumpagnu e caccia cu mia,
la Rigina di l'Angili, Maria,
la Rigina di l'Angiuli chiamamu nui,
vegna, Signura, aiutatimi vui.

[ IX ]
San Jacu lu maggiuri
ni scanzi di cavuci e duluri
a tutti quanti li pirsuni
e puru ancora... a ssi cavaddi e muli.

[ X ]
Lu sai cu veni ora? La Carmilitana
chi di lu celu e di la terra è la patruna
e di lu paradisu è la Rigina.

E la rigina di l'angili chiamai,
vegna, Signura, aiutatimi vui.
Damu a ssi canti
chi ci su li santi,
e 'nta lu mezzu c'è la Vergini Maria
chidda chi m'aiuta a tia e a mia;
caccia, cumpagnu, e caccia cu mia.

[ XI ]
Ed ogn'ura e ogni mumentu
sia ludatu e ringraziatu
lu santissimu e divinissimu Saramentu.
Oggi e sempri sia ludatu,
viva Diu saramintatu;
e sempri sia ludata Maria
nata pura e cuncetta,
senza macchia di piccatu originali.

[ XII ]
Ah! Ah! Ah!...
Reggiti e curreggiti
chi t'ha mannari a scialari,
e jeu l'aria ha' vutari.

[ XIII ]
San Simuni, mannati l'acitu e lunuzzuni
pi' miricari si capati a ssi muli.
Santa Nicola, beddu lu santu
e bedda è la parola.
A la turnata sti muli
di dintra hannu a jiri fora.
Ma nun è chista d'ora,
è all'autra... all'autra ancora.

[ XIV ]
Santa Niculicchia
cacciamu n'autra anticchia.
Maria annunziata,
si unn'è chista è la turnata,
e la turnata sia.
Evviva Maria. Evviva Maria.

[ XVI ]
Scatta lu diavulu e crepa l'avarizia,
evviva la Madonna di la 'razia.


Sia lodato ogni mumentu, sta finennu lu furmentu;
oggi e sempri sia ludatu, sta finennu lu siminatu.

Oggi è lu sabbatu di lu biancusigghiu. (?) (bon cunsugghiu)
priamu sta vergini ch'adura a so' figghiu

Nessun commento: