'NA LACRIMA di Giuseppe Nicola Ciliberto

‘NA LACRIMA

Chi scuru ! mi ricordu ‘dda sirata !
quannu ti dissi ca t’avia a lassari,
cu vuci di trimuri suffucata
un fremitu pruvai a lu parlari.

E tu arristasti muta e scunsulata
pirchì pi mia pruvavi un veru amuri,
chi attimu amaru ! chi sorti spietata !
passari di la gioia a lu duluri.

‘Na lacrima pò vitti luccicari
‘nti dd’occhi ca m’avianu ‘ncantatu,
la tò facciuzza fici illuminari
e lu me cori fu paralizzatu.

di Giuseppe Nicola Ciliberto