ca nun ti virevu amata Ortigia mia
vacanti lu me' pettu ancora sentu
pirchì lu cori lu lassai a tia.
Ora ca sugnu cca' ccu tantu amuri
mi vogghiu dedicari tuttu a tia
vogghiu passari in paci tutti l'uri
di la matina 'nsinu l'Avimmaria.
Vogghiu sustari spissu a la marina
sentiri li canzuna di lu mari
e dill'aciduzzi musica divina.
Quannu ripartu e vadu 0a la stranìa
lu cori miu ti vogghiu ridunari
pirchì ti amu Sarausa mia!
Ti amu firtili terra ginirusa
ca chianciri mi fai di nustalgia
ti pensu sempri amata Sarausa
e soffru tantu di malincunia.
Isula ca m'ha datu li natali
m'attiri comu fussi calamita
la luntananza mi fà tantu mali
ca mi turmenta l'esistenza a vita.
Terra mia tuttu amuri e puisia
ogni criatura tua ti deve amari
ccu tuttu 'u cori 'nsinu 'a fuddìa.
Ciuri ca ssì sbucciatu 'nta lu mari
lu focu ca mi cuva 'nta lu pettu
è tantu ardenti ca nun si po' stutari.
NELI SEGUINO
Nessun commento:
Posta un commento