'U NANNU CUNTA...
'U VINTI PPI CENTU
Si cunta ca 'na vota c'era un Principi riccu sfunnatu c'aveva tanti sordi ì siggiri e nun sapeva comu fari. Pensa e ripensa nominò so' Procuraturi don Carmelu dicennuci "Ccà c'è 'a procura a siggiri 'o postu miu, ti dugnu 'u venti ppi centu". Don Carmelu, ipso fatto, ssi nni jiu 'o paisi a siggiri, chiama tutti i debituri e chi fa? Si fa pajari a parti so' ... 'u venti ppi centu e nenti cchiù dicennu a tutti ca 'u restu 'u pajati l'annu prossimu 'o Principi! Poi torna 'ntò Principi e a dumanna se aveva siggiutu i debiti rispunni " Ca quali? ppi siggiri a me' parti m'haju livatu 'a vita!" Chi voi diri? - dumannò u Principi - Ppi miraculu haju siggiutu 'u venti ppi centu ca tuccava a mia; 'a parti vostra hanu dittu ca a pajunu l'annu prossimo! Viditi comu c'arristò 'u Principi! Ma si fici na bedda risata e don Carmelu si nni jiu cuntentu e filici !
Nessun commento:
Posta un commento