ROSA DI MAJU di Arcangela Rizzo

Rosa di Maggiu

Si ju putissi essiri ddà rosa,
chi grapi li so' occhi la matina,
truzzata da lu suli ca si posa 
e liscia la so peddi accussì fina...

Spargissi li me petali a lu ventu
e lu profumu juncennu nsinu a tia
purtassi lu me arcanu turbamentu,
di musica d'amuri e di puisia.

Ju sugnu un ciuri ammenzu lu disertu,
chi cerca acqua pi s'abbivirari,
jttannu la me vuci n celu apertu,
spirannu di sintiriti cantari...

Nun ci ni sunnu rosi senza spini,
è veru e mi manca lu curaggiu,
si puru sentu punciri li vini,
vulissi essiri ju ddà rosa 'i Maggiu.

Arcangela Rizzo