Siddu tu fussi un rufulu di ventu,
pi magaria vulissi ju divintari
la rina di lu mari.
Ddi cucciteddi leggi e fini fini
vulassiru cu tia pi s'ammiscari
dintra un abbrazzu eternu, ni un mumentu
d'amuri e sentimentu.
Juncissimu pi sempri li destini,
tu comu fussi sangu e ju li vini
di un sulu cori , battiti e suspiri.
Chi fussi bellu essiri filici
vulannu nsemi comu Diu ni fici
senza pruvari làstimi e chiddiri,
libbiri di giuiri
ristannu 'n suspinsioni ni ddu volu
dintra di un celu azzolu
e, jennu jennu pi la nostra sorti,
nun ni spartissi chiù mancu la morti.
L'Auturi ; Euranio La Spisa©
Nessun commento:
Posta un commento