CIURI DI CAMPU
Biata la natura ca vi fici
e chini di culura vi vistìu
'mmenzu l'erbicedda crisciti
gudennu di lu tempu assignatu
Picca lu ciauru ca pussiditi
ma basta 'a biddizza ppi giuiri
'na festa 'nta' li campagni purtati
ca casi e pirsuni ralligrati
Quannu lu suli è 'o tramuntari
e astuta i luci dda' jurnata
pronti ssu i stiddi 'a cumpariri
comu li ciuri mai siminati
Michele Golino
Nessun commento:
Posta un commento