CUCINA SICILIANA - Armando Carruba -

ARRUTULATI 'I MULINCIANI E SPAGHETTI A' NORMA

Cosi ppi 4 cristiani:

* 250 gr 'i spaghetti
* 3 mulinciani
* 2 kg 'i pumaroru friscu
* 300 gr 'i ricotta salata
* basilicu
* ogghiu ma di chiddu extravirgini d'aliva
* sali

Tagghiati 'i mulinciani a fidduzzi non troppu nichi, salatili sulu dda 'n latu e facitili ripusari ppi 20 minuti. Passatu 'stu tempu, asciugatili e friitili 'nta ogghiu abbunnanti, appoi pusatili 'nta carta assorbenti ppi livarici l'ogghiu superchiu. Priparati 'u sucu cche' pumaroru frischi, agghiu, basilicu, sali e l'ogghiu. Appena 'u sucu è prontu cuciti 'i spaghetti al dente, sculatili e cunnitili ccu anticchia di sugu 'i pumaroru, 'na rattata 'i ricotta salata e fogghi 'i basilicu. Facitili intiepidiri, arrutulatili dannuvi aiutu ccu cucchiaru e furchetta, pusatili su 'na fedda i mulinciana e arrutulatili 'nta 'na manera di fari un involtinu. Mittiti a fila tuti 'sti involtini 'nta 'na tegghia unni c'hata misu sugu 'i pumaroru e mittitici autru sugu, ricotta grattuggiata salata a vostru piaciri e basilicu. Mittiti 'nto furnu a gratinari ppi 10 minuti a 160 °C ppi ammorbidiri 'a ricotta.

Stu piattuzzu si mancia beddu cauru cauru...