(10 AUSTU) LACRIMI DI CELU di Orazio Minnella

(10 AUSTU) LACRIMI DI CELU

Stanotti chianci lacrimi lu celu !
‘Na pitruliata di stiddi ‘nfucati
sputtusa a la ‘ntrasatta ‘n niuru velu
tracciannu ddà ‘nta l’aria li so’ strati.

Stanotti è chidda giusta pi lu zelu,
pi chiddi ca ci restunu alluciati
cuvannu ‘n disidderiu, e su’ rivelu
di l’armi e di li cori ‘nnamurati,

ma ‘nta ‘sta siritina di caluri,
pi cu’ è ca campa e soffri ‘ntra li stenti,
‘ddi stiddi nta lu celu su’ duluri,

su’ lacrimi chianciuti apertamenti
dintra lu scuru fittu senza curi
di cu’ arristau sulu e senza nenti.
Orazio Minnella

_______________________________

(10 Agosto) LACRIME DI CIELO
Stanotte piange lacrime il cielo !/Una gragnola di stelle infuocate/perfora all’improvviso un nero velo/tracciando la nell’aria le sue strade./Stanotte è quella giusta per lo zelo,/
Per quelli che rimangono abbagliati/covando un desiderio,e sono rivelazioni/ di anima e di cuori innamorati,/ma in questa sera di tanto calore,/per chi vive soffrendo fra gli stenti,/quelle stelle la in cielo son dolori,/son lacrime versate apertamente/la dentro il buio fitto senza cure/di chi è rimasto solo e senza niente.