Mentri taliavu a televisioni,
'ntò primu canali pa pricisioni,
intesa vincenti, era finali
e s'interrumpiu 'a trasmissioni
Dissi: "Botta di sali ca si spasciò!"
inveci 'u telegiurnali parrò
dicennu ca Monucu i Baviera
c'era stata una carneficina.
Arristammu tutti comu a chiddu
possibili non talianu nuddu?
vecchi, fimmini e i picciriddi
unni pigghia pigghia, ittannu schigghi.
Forsi 'u Signuri 'ntà ddu mumentu
era vutatu 'nt'autru ciancu
chi mutivu c'è, oggi d'ammazzari
chiussai ca si nni pò ddé cristiani?
E' ura d'asciugarini 'u chiantu
e firmari sta manu ntà mumentu
ca c'è 'n dittu ca a nui dici
'ssiri 'n paci ssi campa filici.
Armando Carruba (23/7/2016)
Nessun commento:
Posta un commento