'U travagghiu
nun canta cchiù a Priolu,
e i picciotti 'a sira
cuntunu maruna
sutta 'n celu senza stiddi.
Nun si toccunu
'i sonna
chini 'i spiranza
ppi na vita sicura
cco' travagghiu ca paja.
Nun si tocca l'amuri
ca senza travagghiu
mori 'nto cori,
annjatu ogni jornu
'nta 'n chiantu mutu.
'U suli ridi sulu a passareddi
ca ppi nidu
hanu 'n passu d'omu
dda' culonna.
Cunzatila a festa
l'innustria a Priolu,
comu na vota...
quannu 'u suli
traseva 'nte casi
e cimineri fumanti
cuntavanu 'o celu
'a cuntintizza di genti
ca nun accattaru valiggi.
Armando Carruba
IL SOLE, IL LAVORO E L'AMORE - Il lavoro/ non canta più a Priolo/ e i giovani la sera/contano mattonelle/ sotto un cielo senza stelle./ Non si toccano/ i sogni/ pieni di speranza/ per una vita sicura/ con il lavoro che paga./ Non si tocca l'amore/ che senza lavoro/ muore nel cuore/ annegato ogni giorno/ in un pianto muto/ Il sole ride soltanto a uccelletti/ che per nido/ hanno un passo d'uomo/ della colonna./ Preparatela a festa/ l'industria a Priolo/ come una volta.../ quando il sole/ entrava nelle case/ e ciminiere fumanti/cantavano al celu/ la contentezza della gente che non comprarono valigie.
Nessun commento:
Posta un commento